Last Modified: November 17 2020 15:18:51.
 
ശ്രീ പദമലരിണകളിലൻപൊടു കാണിക്ക വെയ്ക്കാം ഞാൻ
ശ്രീ ചക്കുളം കാവിലമ്മേ (2)
അമ്മേ ശ്രീ ചക്കുളം കാവിലമ്മേ
ശ്രീ ചക്രവാസിനി നിൻ മന്ത്ര തരംഗങ്ങളാൽ
നാലമ്പലം ധന്യമായി ശ്രീ ശൈലം പുണ്യമായി
(ശ്രീ പദമലരിണകളിൽ...)

ഏറേ നാളായി ഞാൻ കാത്തിരുന്നമ്മേ
നിൻ രൂപമൊരു നോക്കു കാണാൻ (2)
ഇരുമുടിയേന്തി വരുന്നൊരീ അടിയനെ
ഇനിയൊരു പദമലരാക്കീടണേ (2)
(ശ്രീ പദമലരിണകളിൽ...)

വ്രതഭംഗി ചൂടും കമലദളങ്ങളിൽ
അരുണാഭ ചൊരിയുന്ന നേരം (2)
മുനിവൃന്ദ നാമമുണർത്തുമാ വേദമായ്
അടിയന്റെ അകതാരിലുണരേണമേ (2)
(ശ്രീ പദമലരിണകളിൽ...)