Last Modified: October 23 2021 03:45:54.
മലയാളമേ..
മധുവാസന്തമേ..
കടലോരമേ..
കളകാഞ്ചിയെ..
മന്ദാരമേ..നറു നൈർമല്യമേ..
മലയോരമേ..നിറ സൗന്ദര്യമേ..
മലയാളമേ.. മലയാളമേ.. ആ..ആ

പെയ്യട്ടെ പെയ്യട്ടെ പൂനിലാവെന്നപോൽ
ഒഴുകിപരക്കട്ടെ നമ്മിലെന്നും
നിൻ മന്ദഹാസം നിറയട്ടെ നിത്യവും
അത് തന്നെയാനന്ദമെൻ മലയാളമേ..(2)
മലയാളമേ.. മലയാളമേ..ആ..ആ

അമ്മിഞ്ഞപ്പാലൊപ്പമാദ്യം നുണഞ്ഞതും
അറിവിന്റെ ഹൃദയാക്ഷരങ്ങളറിഞ്ഞതും
അനവദ്യമായ് നിത്യ-
മുതിരുന്നു കാവ്യങ്ങൾ...(2)
അനുഭൂതി തീർക്കുന്നീ
സ്വരസന്ധ്യയിൽ..
നിരുപമലഹരിതന്നൊഴുകുകയായ്..
മലയാളമേ.. മഹനീയതേ..