Last Modified: February 29 2012 14:38:09.

പൊൻവെളിച്ചം കർണ്ണികാരപ്പൂ വിടർത്തും തീരമേ
വർണ്ണരാജി താലമേന്തി നൃത്തമാടും തീരമേ
ദൂരെ ദൂരെയൊരു പൂക്കടമ്പിലൊരു കൂടു വെച്ചു കുടിയേറുവാൻ
മോഹമെന്ന ചിറകും വിടർത്തിയൊരു പക്ഷിയീ വഴി പറന്നുവോ
ഒഹോ ..ഓ..ഓ..
(പൊൻ‌വെളിച്ചം..)

പറക്കും കംബളം നിവർത്തൂ വാനമേ (2)
നിറങ്ങൾ പൂക്കളായ് വിടർത്തും കംബളം
അതിന്മേലേറി നാം ഉയർന്നു പാറുവാൻ
ഇനിച്ചൊല്ലാം ഒരേ മന്ത്രം നമുക്കൊന്നായ് പറന്നീടാം
(പൊൻ‌വെളിച്ചം..)

പറക്കും വേളയിൽ തുടിക്കും നെഞ്ചിലെ (2)
സ്വരങ്ങൾ തേൻകണങ്ങളായ് ചൊരിഞ്ഞു പോക നാം
ഉദിക്കും താരകൾ കളിച്ചങ്ങാതികൾ
ഇവർക്കെന്നും നറും വീഞ്ഞ് പകർന്നേകാൻ വരൂ സന്ധ്യേ
(പൊൻ‌വെളിച്ചം..)