Last Modified: February 29 2012 14:57:35.



കലിയോടു കലികൊണ്ട കടലലകള്‍....
കരയിലേക്കലറിക്കൊണ്ടാടുക്കുന്നു....
കലിയോടു കലികൊണ്ട കടലലകള്‍
കരയിലേക്കലറിക്കൊണ്ടാടുക്കുന്നു
അരഞൊടിക്കുള്ളിലീ തീരത്തില്‍
അവസാനം തലതല്ലി തകരുന്നു...
(കലിയോടു)

മരണവും ജനനവും ഈ തീരത്തു വന്നിരുന്നു
മണ്ണപ്പം ചുട്ടൂ കളിക്കുന്നു(2)
മുഖത്തോടു മുഖം നോക്കും ഉദയാസ്തമയങ്ങള്‍
മൂടുപടത്തിനുള്ളില്‍ ഒളിക്കുന്നു
(കലിയോടു)

ആഴവും പരപ്പും മുന്നില്‍ ജീവിതം അഴിമുഖം പോലെ ആണിവിടെ
കൈകോര്‍ത്തു പിടിക്കുന്നു കൈവഴി പിരിയുന്നു
കണ്ണീരു മാത്രമാണൊടുവില്‍(2)
ഈ കണ്ണീരു മാത്രമാണൊടുവില്‍
(കലിയോടു)