Last Modified: November 15 2012 06:24:54.

മദനപരവശ ഹൃദയനാകിയ കീചകന്റെ മനോരഥം
കദന തരളിത മാനസത്തോടീവണ്ണമങ്ങനെ കേൾക്കയാൽ
വദന സരസിജ കോമളാഭ കുറഞ്ഞു മാലിനി പിന്തിരിഞ്ഞ
തനു കോപാമിയന്നു കാതുകൾ പൊത്തിയുത്തരമേകിനാൾ

കുടിലമാനസാ നീ പറഞ്ഞൊരു വാക്യശല്യമതേൽക്കയാൽ
ത്രുടിതമായിതു കർണ്ണയുഗ്മ ഹൃദന്തരങ്ങൾ നിരന്തരം
സ്ഫുടിതമാകിയ മാര ശൂര വികാര ചാരുവികാരസം
ഘടിതബുദ്ധി നിഷിദ്ധമെത്രയും അത്ര മൃത്യു വരുത്തുമേ
സകല കുല ബല വിഭവമനവധി ധനവുമനുദിനമീ വിധം
വിമലമതികളിൽ നിൽക്കയില്ല നിനക്ക്‌ നല്ലതിനല്ലിത്‌
നിനക്ക്‌ നല്ലതിനല്ലിത്‌ നിനക്ക്‌ നല്ലതിനല്ലിത്‌