Last Modified: February 29 2012 14:28:16.

ആപദി കിം കരണീയം - അമ്മേ
സ്മരണീയം തവ പദയുഗളം
അനന്തപുരിയില്‍ വാഴും ആറ്റുകാലമ്മേ
ആത്മാവിന്നഭിഷേകമാം ആനന്ദപ്പൊരുളേ
(ആപദി...)

കാപ്പുകെട്ടി കാര്‍ത്തികനാള്‍ കുടിയിരുപ്പായ് ദേവി
ദീപങ്ങള്‍ ഹാരങ്ങളായ് പൂരം‌നാള്‍ പൊങ്കാല
മണ്‍കലങ്ങളില്‍ നേദ്യം ദേവീ നിനക്കായി
സങ്കല്‌പപൂജകള്‍ ചെയ്യുന്നു മങ്കമാര്‍
(ആപദി...)

ഒരു പെണ്‍കൊടിയായ് മുല്ലവീട്ടിലണയുമ്പോള്‍
ആരൂഢമെന്‍ ഹൃദയം മണിദ്വീപവാസിനീ
കോടിസൂര്യപ്രഭയായ് ശാന്തയായ് വരമരുളി
വിളങ്ങും വിശ്വരൂപിണി ആറ്റുകാലമ്മേ
(ആപദി...)