Last Modified: February 29 2012 14:29:04.
കൈകള്‍ രണ്ടും പൊക്കി കാരുണ്യവാരിധിയായ്
കല്ലേക്കുളങ്ങരയില്‍ അവതീര്‍ണ്ണയാം ദേവി
അല്ലല്‍ തീര്‍ത്താനന്ദം നല്‍കുന്ന ഹേമാംബികേ
കല്യാണവതി, തായേ! കണികാണ്മൂ നിന്‍ രൂപം
(കൈകള്‍...)

എത്രനാള്‍ ഭജിച്ചൂ? തവ തൃപ്പാദസേവയാല്‍
വൃദ്ധനാം കുറൂരിന്നു പ്രത്യക്ഷമായ് കൈകള്‍
സ്വര്‍ണ്ണവര്‍ണ്ണേ നിനക്കെന്‍ കളമെഴുത്തും പാട്ടും
എന്നും നവരാത്രികളില്‍ സംഗീതവിരുന്നും
(കൈകള്‍...)

മണപ്പുള്ളിക്കാവിലും വടക്കുന്തറയിലും
വരപ്രസാദം തൂകും അവിടുത്തെ ഭാവങ്ങള്‍
വാണിയായ് ലക്ഷ്മിയായ് ദുര്‍ഗ്ഗയായ് പലനേരം
വാഴുന്നൊരംബികേ നിന്‍ പാദാംബുജം വന്ദേ
(കൈകള്‍...)