Last Modified: February 29 2012 14:31:14.

ശരണമരുളീടണമെനിക്ക് മണികണ്ഠാ
ശബരിമല സ്വർഗ്ഗമാക്കുന്ന ഗണനാഥാ
സകല ദുരിതങ്ങളുമകറ്റുന്ന ദേവാ
അഭയമഭയം സ്വാമി സച്ചിദാനന്ദാ

ഇരുമുടിയിലിന്നു നാം ഇരുപതു പൊൻപങ്ങൾ
വിരവൊടു നിറച്ചു തവചരണമണയുന്നു
ഇരുളൊഴിയണേ കരളു കുളിരണേ നെഞ്ചിൽ
പൊരുളറിവു നിറയണേ ശരണമയ്യപ്പാ

കൊടിയ വനമാകുന്നു നരജീവിതം ഈ
നരകമിതു നാകമാക്കുന്ന മണിദീപം
വഴിയറിയണേ മിഴികൾ തെളിയണേ ചൊല്ലും
മൊഴി മന്ത്രമാവണേ ശരണമയ്യപ്പാ

പരമപദമണയാൻ പാപങ്ങളൊഴിയാൻ
പകലിരവു തിരുനാമമുരുവിടാം ഞങ്ങൾ
വരമരുളണേ അമൃതു കിനിയണേ ഉള്ളിൽ
തിരികൾ തെളിയണമേ ശരണമയ്യപ്പാ

സ്വാമിയല്ലാതെയിന്നൊരു ശരണമില്ല
സ്വാമിയേ അയ്യനേ