Last Modified: August 19 2014 13:15:19.
മാലാഖവൃന്ദം നിരന്നു
വാനിൽ മാധുര്യഗീതം പൊഴിഞ്ഞു
മാലോകരാമോദമാർന്നീ
പാരിൽ ആ ഗാനം ഏറ്റേറ്റുപാടി (മാലാഖ)
അത്യുന്നതത്തിൽ മഹത്വം
സർവശക്തനാമീശന്നു സ്തോത്രം
സന്മനസ്സുള്ളവർക്കെല്ലാം ഭൂവിൽ
സന്തതശാന്തി കൈവന്നു

ദൈവകുമാരൻ പിറന്നു
മർത്യരൂപം ധരിച്ചേകജാതൻ (ദൈവ)
ആത്മാഭിഷിക്തൻ വരുന്നു
ലോകമെങ്ങും പ്രമോദം നിറഞ്ഞു (2) (മാലാഖ)

ഉണരൂ ജനാവലിയൊന്നായ്
വേഗമണയൂ മഹേശനെ വാഴ്ത്താൻ (ഉണരൂ)
തിരുമുമ്പിലെല്ലാം അണയ്ക്കാം
തന്റെ തിരുനാമമെന്നും പുകഴ്ത്താം (2) (മാലാഖ)