മാവുകൾ പൂത്തു
നന്ദി പ്രിയസഖി നന്ദി
Maavukal poothu (Nanni Piryasakhi Nanni)
വിശദവിവരങ്ങള്‍
വര്‍ഷം 2006
സംഗീതംഉമ്പായി
ഗാനരചനഓ എന്‍ വി കുറുപ്പ്
ഗായകര്‍ഉമ്പായി
രാഗംലഭ്യമല്ല
ഗാനത്തിന്റെ വരികള്‍
Last Modified: February 29 2012 14:32:00.

മാവുകള്‍ പൂത്തു മണം പരത്തുന്നൊരീ-
രാവില്‍ പുരാതനമീ പുരിയില്‍
കാത്തിരിക്കുന്നുവോ നര്‍ത്തകീ എന്‍ ഗസല്‍
കേള്‍ക്കുവാന്‍ നീയും നിന്‍ കാല്‍ച്ചിലമ്പും
(മാവുകള്‍ പൂത്തു ....)

സ്വീകരിക്കൂ നീ പ്രണയസുഗന്ധിക-
ളാകുന്നൊരീ ഗസല്‍പ്പൂക്കള്‍ സഖീ
ഇന്നതിന്‍ തീക്ഷ്ണസുഗന്ധലഹരിയില്‍
നിന്നെ മറന്നൊന്നു നൃത്തമാടൂ
എന്‍ സ്വരധാരയും നിന്‍ പദതാളവും
ഒന്നിച്ചിണങ്ങുന്ന ലാസ്യലയം
ഇതെന്തൊരപൂര്‍വ്വമാം ലാസ്യലയം
(മാവുകള്‍ പൂത്തു ....)

അന്തഃപുരത്തിന്നലങ്കാരമായ് പോറ്റും
സ്വര്‍ണ്ണമത്സ്യം പോലാം പെണ്‍കിടാവേ
മുന്തിരിച്ചാറും നിന്‍ സൌന്ദര്യവും നുകര്‍-
ന്നന്തികത്തില്‍ പാദുഷായിരിക്കെ
കണ്‍മുനയാല്‍ സഖീ മറ്റാരും കാണാതെ
എന്നെത്തിരയുന്നതെന്തിനു നീ
ഒളികണ്ണാലുഴിയുന്നതെന്തിനു നീ
(മാവുകള്‍ പൂത്തു ....)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts