Last Modified: June 13 2012 07:19:38.

ഭഗവാനു ഹൃദയം നേദിച്ചൊരമ്മ
മലമേലെ വാഴും മാളികത്തമ്മ
ആശാവിളക്കിൽ തിരി നീട്ടി നിൽക്കും
ആശിച്ചതെല്ലാം നൽകുന്നൊരമ്മ
(ഭഗവാനു ഹൃദയം…)

മുനി തപ്തശാപം സ്വയമേറ്റു വാങ്ങി
മുനികന്യ ലീല മഹിഷിയായ് മാറി (2)
മഹിഷിയ്ക്കു ഭഗവാൻ സായൂജ്യമേകി
അവളല്ലോ മാളികപ്പുറത്തമ്മയായി (2)
(ഭഗവാനു ഹൃദയം…)

അവൾ കാത്തിരിപ്പൂ മകരം പിറക്കാൻ
മനതാരിൽ ഭഗവാനെ വേൾക്കാൻ (2)
കന്നിക്കാരാരുമണയാത്ത കാലം
അന്നാണു ദേവിയ്ക്കു മംഗല്യഭാഗ്യം (2)
(ഭഗവാനു ഹൃദയം…)