Last Modified: October 21 2020 10:28:19.
 കുവലയദളനയനേ ദേവീ കുമാര പ്രിയജനനീ(2)
പർവ്വതനന്ദിനിയേ ദേവീ പനിമതിയഴകൊളിയേ
ഉണ്മകളിൽ ഉതിർമഴയായ് ഉയിരിടുമംബികയേ
ഹൃദയകമലവനിയിലിനിയും വിടരുക നീ ദേവീ
കുങ്കുമസന്ധ്യകൾ പൂവിടുമാഴിതൻ കുളിരിളംതെന്നലിൽ നീയിരിക്കും(2)
വർഷവീണയായ് നീ ഹൃദയം മീട്ടിടുന്നു ശ്രുതികൾ
ഹർഷരാഗമായ് നീ മധുരം തൂകിടുന്നു മൊഴികൾ
അരുണകിരണപ്രഭയിലിനിയും വിടരുക നീ ദേവീ

മംഗല്യഹാരമായ് തൃക്കടാക്ഷമീ മാലേയമായെനിക്കേകിടുമോ(2)
ഇന്ദ്രചാപമായ്നീ വിരിയും വർണ്ണവിസ്മയങ്ങൾ
ഇന്ദ്രിയങ്ങളിൽ നീ ചൊരിയും സുന്ദരാനുഭവങ്ങൾ
ചിന്തകളിൽ കുളിരിടുമീ അമൃതകിരണപ്രഭയിലലിയും ഭഗവതിയേ ദേവീ