Last Modified: February 29 2012 14:33:32.
 
നാടായ നാടെല്ലാം അമ്പാടി
നദിയായ നദിയെല്ലാം കാളിന്ദി (2)
പൂവായ പൂവെല്ലാം കായാമ്പൂ
കണ്ണായ കണ്ണെല്ലാം പൊൻപീലി
മണിവർണ്ണനണിയുന്ന പൊൻപീലി
(നാടായ നാടെല്ലാം...)

പാലായ പാലെല്ലാം പൈമ്പാല്
പാടുന്ന പാട്ടെല്ലാം ഊഞ്ഞാല് (2)
കാടായ കാടു മുളംകാട്
കുഴലായ കുഴലെല്ലാം തേൻകുഴല്
ഗുരുവായൂർക്കണ്ണന്റെ പൂങ്കുഴല്
(നാടായ നാടെല്ലാം...)

കുളിരായ കുളിരെല്ലാം ഗോപിക്കുറി
കുടയായ കുടയെല്ലാം ഗോവർദ്ധനം (2)
വനമായ വനമെല്ലാം വൃന്ദാവനം
നിറമായ നിറമെല്ലാം പീതാംബരം
ഗുരുവായൂർക്കണ്ണന്റെ പീതാംബരം
(നാടായ നാടെല്ലാം...)