Last Modified: February 29 2012 14:26:42.
 
ചന്ദനവളയിട്ട കൈ കൊണ്ടു നീ
മണിച്ചെമ്പകപൂക്കളമെഴുതുമ്പോൾ (2)
പിറകിലൂടൊരാൾ മിണ്ടാതെ വന്നെത്തി
മഷിയെഴുതാത്ത നിൻ മിഴികൾ പൊത്തി (2)
മഷിയെഴുതാത്ത നിൻ മിഴികൾ പൊത്തി
(ചന്ദനവള...)

കോടിയും കൈനീട്ടവും മേടിച്ചു ഞാൻ നിൽക്കവേ
പ്രാവു പോൽ ഇടനെഞ്ചകം കുളിരോടെ കുറുകുന്നുവോ
ഇനിയെന്നുമരികിൽ ഇണയായിരിക്കാം
കൊതിയോടെ മനസ്സൊന്നു മന്ത്രിച്ചുവോ
(ചന്ദനവള...)

മെല്ലെയെൻ കിളിവാതിലിൽ കാറ്റിന്റെ വിരൽ കൊള്ളവേ
ആദ്യമായ് എൻ കരളിലെ പൊൻമൈന ജതി മൂളവേ
അന്നെന്റെയുള്ളിൽ അരുതാത്തൊരേതോ
രനുഭൂതിയിതൾ നീർത്തി വിടരുന്നുവോ
(ചന്ദന വള...)