Last Modified: February 29 2012 14:34:56.
varnnippathengine nin nadanaleela


വര്‍ണ്ണിപ്പതെങ്ങിനെ നിന്‍ നടനലീല
സുന്ദര രാസലീല നന്ദഗോപാലാ

മോഹനഹേമന്ത ചന്ദ്രികയില്‍
രാഗമുരളിതൂകും സ്വരസുധയില്‍
കാലില്‍ച്ചിലങ്ക കുലുങ്ങി കാഞ്ചികളരയില്‍ കുലുങ്ങി

ശ്യാമളപൂമേനി കാണ്‍കെ മധുവഞ്ചും
പാല്‍പ്പുഞ്ചിരി തഞ്ചും
ചെഞ്ചൊടികളാല്‍ കൊഞ്ചും സുന്ദരികള്‍ തന്‍ കൂടെ

കാമവര്‍ദ്ധിനിയാം കാനനമുരളിയില്‍
കവിതതുളുമ്പും ഗീതികള്‍ തൂകി
അഴകൊഴുകി മധുമാരിതന്‍ അലയിളകി മനം തഴുകി

സാരംഗനേത്രകളുമായ് നവ ഭംഗിയൊടു കുഴലൂതി
പുതുരാഗ ഭംഗിയില്‍പ്പാടി ചാഞ്ചാടി നടനമാടി