| വിശദവിവരങ്ങള്‍ | |
| വര്‍ഷം | 1997 |
| സംഗീതം | വിദ്യാസാഗര്‍ |
| ഗാനരചന | ഗിരീഷ് പുത്തഞ്ചേരി |
| ഗായകര്‍ | കെ ജെ യേശുദാസ് |
| രാഗം | കാപ്പി |
| അഭിനേതാക്കള്‍ | ജയറാം ,ബിജുമേനോൻ |
| ഗാനത്തിന്റെ വരികള്‍ | |
|
Last Modified: February 29 2012 14:43:44.
സാന്ദ്രമാം സന്ധ്യതന്‍ മനയോല മാഞ്ഞു പോയ്‌ ഏകാന്ത ദീപം എരിയാ തിരിയായ്‌ താന്തമാം(?) ഓര്‍മ്മതന്‍ ഇരുളിന്‍ അരങ്ങില്‍ മുറിവേറ്റു വീണു പകലാം ശലഭം ... സാന്ദ്രമാം സന്ധ്യതന്‍ മനയോല മാഞ്ഞു പോയ്‌ അന്തിവാനിലൊരു കുങ്കുമ സൂര്യന്‍ ആര്‍ദ്ര സാഗരം തിരയുന്നു ക്ലാവു മൂടുമൊരു ചേങ്ങില പോലെ ചന്ദ്ര ബിംബവും തെളിയുന്നു കാറ്റുലയ്ക്കും കല്‍വിളക്കില്‍ കാര്‍മുകിലിന്‍ കരിപടര്‍ന്നു പാടിവരും രാക്കിളിതന്‍ പാട്ടുകളില്‍ ശ്രുതിയിടഞ്ഞു .. സാന്ദ്രമാം സന്ധ്യതന്‍ മനയോല മാഞ്ഞു പോയ്‌ ഏകാന്ത ദീപം എരിയാ തിരിയായ്‌ നെഞ്ചിനുള്ളിലൊരു മോഹന സ്വപ്നം ഹോമകുണ്ഡമായ് പുകയുമ്പോള്‍ പാതി മാഞ്ഞൊരു പ്രണയവസന്തം ശാപവേനലില്‍ പിടയുമ്പോള്‍ ഒരു മിഴിയില്‍ താപവുമായ്‌ മറുമിഴിയില്‍ ശോകവുമായ്‌ കളിയരങ്ങില്‍ തളര്‍ന്നിരിക്കും തരളിതമാം കിളിമനസ്സെ ... സാന്ദ്രമാം സന്ധ്യതന്‍ മനയോല മാഞ്ഞു പോയ്‌ ഏകാന്ത ദീപം എരിയാ തിരിയായ്‌ താന്തമാം(?) ഓര്‍മ്മതന്‍ ഇരുളിന്‍ അരങ്ങില്‍ മുറിവേറ്റു വീണു പകലാം ശലഭം ... സാന്ദ്രമാം സന്ധ്യതന്‍ മനയോല മാഞ്ഞു പോയ്‌ |
|