Last Modified: February 29 2012 14:34:51.

ഉഷസ്സേ...ഉഷസ്സേ...നഭസ്സിന്‍ മനസ്സേ
ഉണരാന്‍ വൈകിയതെന്തേ.....
ശുഭഗേ വരദേ തമസ്സിൻ രജസ്സേ
പുലരാന്‍ താമസമെന്തേ.....
വാഴ്വിന്റെ വരമൊഴിയില്‍ വാസന്തം വരവായി
ഉദയഗിരിത്താഴ്വരതോറും രാവിന്റെ കണ്ണീരല്ലേ
ഉരുകുന്നു ഭൂമി തൻ മനമാകെ
ഉലയുന്നു ജീവന്റെ പൂന്തോണി...
വാനിന്റെ ദിനമണിയായ് ഉണരൂ നീ ഉഷമലരേ...

ഇനിയും നീ വൈകല്ലേ സാന്ത്വനമേകാന്‍
കനിയൂ നീ നിറവല്ലേ പൊൻകനവല്ലേ
അഴകേ അലിവിന്‍ മധുവായ് നിറയൂ
അനഘേ വിടരൂ ഉണരൂ ഹൃദയം
ചൊരിയൂ രാഗം ശാലീനം...
(ഉഷസ്സേ...ഉഷസ്സേ....)

അകലെ നിന്‍ മൌനം ധരണീദുഃഖം
വെറുതേ എന്‍ മോഹങ്ങള്‍ പിടയവേ
പറയൂ നെഞ്ചില്‍ കനിവോ കനലോ
ഇവിടെ സിരയിൽ ഒഴുകും യമുനേ
അറിയൂ മണ്ണിന്‍ ശ്രുതിതാളം....
(ഉഷസ്സേ...ഉഷസ്സേ....)