മഴയില്‍ നിറയും (പറങ്കിമല )
This page was generated on March 28, 2024, 9:31 am UTC
വിശദവിവരങ്ങള്‍
വര്‍ഷം 2014
സംഗീതംഅഫ്സല്‍ യൂസഫ്
ഗാനരചനമുരുകൻ കാട്ടാക്കട
ഗായകര്‍നജീം അര്‍ഷാദ് ,മൃദുല വാര്യർ
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: March 27 2014 08:24:29.

മഴയില്‍ നിറയും പുഴ പോലെ
ഇളവെയിലില്‍ പകലിന്‍ ചിരി പോലെ
മഞ്ഞലയില്‍ മാമല പോലെ
കാര്‍മുകിലില്‍ മഴവില്‍ക്കൊടി പോലെ
നിറയുകയാണെന്‍ ഹൃദയവനം
പ്രിയസഖി നീ അണയേ ചാരേ
(മഴയില്‍ )

നീലനിലാവിലലിഞ്ഞ വികാര -
മൊഴിഞ്ഞു മറഞ്ഞൊരു രാവുകളില്‍
ചുംബനമേറ്റു വിടര്‍ന്നൊരു ചെമ്പക -
മുല്ലയിലൂറിയ തേനലയില്‍
ആ... പാറിവരും പതിവായി വരും
മൃദുശ്യാമമനോഹര ശലഭം നീ
ജന്മമതില്‍ പല ജന്മമതില്‍
ഇനിയെന്നും പിരിയാ പ്രണയം നീ
(മഴയില്‍ )

ദേവസുഗന്ധമലിഞ്ഞൊരു ശയ്യയില്‍
കാമുക കാമന തഴുകുമ്പോള്‍
ഈറനണിഞ്ഞകലേയൊരു ചന്ദ്രിക
തേങ്ങലൊതുക്കി മയങ്ങുമ്പോള്‍
ഹോ... അമ്പുകളില്‍ മലരമ്പുകളില്‍
ശരശയ്യകള്‍ നെയ്യും ചന്തം നീ
രാഗിണിയായ് അനുരാഗിണിയായ്
എന്‍ പ്രാണനില്‍ അലിയും പ്രണയം നീ

മഴയില്‍ നിറയും പുഴ പോലെ
ഇളവെയിലില്‍ പകലിന്‍ ചിരി പോലെ
നിറയുകയാണെന്‍ ഹൃദയവനം
പ്രിയസഖി നീ അണയേ ചാരേ
മഴയില്‍ നിറയും പുഴ പോലെ
ഇളവെയിലില്‍ പകലിന്‍ ചിരി പോലെ



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts