Last Modified: November 20 2013 06:02:41.

ഈ ഇരവിലേ...തീ ചൊരിയുമീ...
നീറും നെഞ്ചിൻ തീരാനോവിൽ
പ്രാണൻ തേടി പോകവേ...
ഈ ഇരവിലേ...തീ ചൊരിയുമീ...

ഇര പോലീ തീരാദൂരം പോകാനേറെ
വഴി തേടി പോകും പാദം കേണീടുന്നു
മിഴിതേടും നോവിൻ മുത്തേ നിന്നെ കാണാൻ
ഈ ദൂരം...ജീവൻ...കാവൽ തേടി
ഈ കൈകൾ എന്നിൽ ചേരും നീയായ്‌
പിരിയല്ലേ നീ നിമി നേരം പോലും
ഇരുളൂറും മരുവിൽ ഇനിയും കഴിയാനൊരുനാളും
പിരിയല്ലേ നീ നിമി നേരം പോലും
മനമില്ലീ വേവും ഭൂവിൽ
ഇനിയും ഒരുനാൾ നിന്നെ പിരിയാൻ...
(ഈ ഇരവിലേ...)

ഇനി ഓരോ പാദം പോലും വേഗം തേടും
സിരയോരോ തീരം തേടും തിരയായ്‌ ഉണരും
ഭയമേതോ കാണാക്കോണിൽ നിഴലായ് മറയും
ഈ നേരം നെഞ്ചിൽ പ്രാണൻ തേങ്ങീ...
കൈ ചേരും യാനം കണ്ണിൽ മിന്നീ...
പിരിയില്ലിനി നാം നിമി നേരം പോലും
ഇരുളൂറും മരുവിൽ ഇനിയും കഴിയാനൊരുനാളും
പിരിയില്ലിനി നാം നിമി നേരം പോലും
മനമില്ലീ വേവും മണ്ണിൻ-
മടിയിൽ പിടയും കഥയായ് തീരാൻ...
(ഈ ഇരവിലേ...)