Last Modified: April 01 2015 15:47:00.
അമ്മേ അമ്മേ അമ്മേ അമ്മേ... (2)
നൊന്തു പെറ്റില്ലെങ്കിലും സ്വന്തമമ്മയായ് മാറി
സ്നേഹത്തിൻ മൂർത്തിയായ് എനിക്കെൻ അമ്മയായ്
ഈ പുണ്യവതിയെൻ സ്വന്തം ജനനിയായ്
എനിക്കെന്നുമമ്മയായ് കൺകണ്ട ദൈവമായ് (അമ്മേ)

ഈശ്വരനെ കണ്ടവരില്ല ഈ പാരിലാരും
പൈതങ്ങൾ കണ്ണാൾ കണ്ടത് ദൈവമാം അമ്മയെ മാത്രം (ഈശ്വരനെ)
നെഞ്ചിലെ ചുടു നിണം അമൃതാക്കി മാറ്റി (2)
ഇളം ചുണ്ടു നനയ്ക്കുവോൾ ഏവർക്കും അമ്മ
എനിക്കെൻ അമ്മതാൻ എന്നെന്നും അമ്മ (അമ്മേ)

തൊട്ടിലിലാട്ടാനും താരാട്ടു പാടാനും
അമ്മയാം പാട്ടുകാരിയെ സൃഷ്ടിച്ചു ദൈവം (തൊട്ടിലിൽ)
തേനും വയമ്പും നാവിന്മേൽ ഇറ്റിച്ചും (2)
പോറ്റി വളർത്തുവോൾ ഏവർക്കും അമ്മ
എനിക്കെൻ അമ്മതാൻ എന്നെന്നും അമ്മ (അമ്മേ)