Last Modified: September 10 2017 11:35:30.
കള്ളാധികള്ളൻ നമസ്കാരം
കള്ളന്മാരുടെ തലവാ തിരുവടി കൂപ്പാം അതിവിരുതാ
തട്ടിപ്പടിപിടി ശണ്ഠ കൊല ചതി തത്തി തരികിട താ
കാശില്ലെങ്കിലും ആശയ്ക്കില്ലൊരു പഞ്ഞം എട മനിതാ
വേഷം കെട്ടിനു ദോഷം വരരുതശേഷം തരികിട താ
അഷ്ടിക്കൊരു തരി മുട്ടും വരരുത് അതിനുള്ളൊരു വക താ
താ നൊന്തം താ നൊന്തം താ നൊന്തം താനം ആഹാ ആനന്ദം
ദണ്ഡദണ്ഡനം പരിഹാരം ദണ്ഡദണ്ഡനം പരിഹാരം

ഉലകത്തിലെ നിഴലാട്ടത്തിൽ തോന്ന്യാസം കാട്ടീട്ട്
കളിയാശാൻ വെളിയിൽ തള്ളിയ പാവക്കോലങ്ങൾ
അപ്പാടെ കെട്ടുകൾ പൊട്ടി ഒരു ചക്കട വണ്ടിയിലേറി
ദിക്കില്ലാ തെക്കില്ലാണ്ടിവർ പോവണതെങ്ങോട്ട്
താ നൊന്തം താ നൊന്തം താ നൊന്തം താനം ആഹാ ആനന്ദം
ദണ്ഡദണ്ഡനം പരിഹാരം ദണ്ഡദണ്ഡനം പരിഹാരം

വേണ്ടാതീനം വേരു പിടിച്ചൊരു ചങ്കാണീ മക്കൾക്ക്
വേണ്ടായെന്നാലോചിക്കാൻ വെളിവില്ലാ മണ്ടയ്ക്ക്
ശാപ്പാടിനു വകയൊപ്പിക്കും മാളോരെ പറ്റിച്ച്
കാശെല്ലാം കൊട്ടുന്നോനു തല്ലെല്ലാം ചെണ്ടയ്ക്ക്

തരി മേലനങ്ങാൻ വയ്യ കഠിനപ്പണി പറയണ്ടാ
ചക്കാത്തിനു വെട്ടി വിഴുങ്ങാൻ എന്തെന്തൊരു സന്തോഷം
സൂത്രത്തിൽ കീശ നിറയ്ക്കാൻ വല്ലാത്തോരാവേശം
ആരാരുടെ നെഞ്ചത്തേയ്ക്കാണീ പടയുടെ പാഞ്ഞോട്ടം
താ നൊന്തം താ നൊന്തം താ നൊന്തം താനം ആഹാ ആനന്ദം
ദണ്ഡദണ്ഡനം പരിഹാരം ദണ്ഡദണ്ഡനം പരിഹാരം