ഉഷസ്സേ (ഗംഗാസംഗമം )
This page was generated on March 29, 2024, 2:25 pm UTC
വിശദവിവരങ്ങള്‍
വര്‍ഷം 1971
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി മാധുരി
രാഗംഹരികാംബോജി
അഭിനേതാക്കള്‍ജയഭാരതി
ഗാനത്തിന്റെ വരികള്‍
Last Modified: February 29 2012 14:57:06.

ഉഷസ്സേ ഉഷസ്സേ
ഉദിക്കൂ വേഗമുദിക്കൂ
മനസ്സേ പൂപോലെ ചിരിക്കൂ (ഉഷസ്സേ)

മുത്തിലും മുള്ളിലും ചവുട്ടിനടന്നപ്പോള്‍
മുറിഞ്ഞിട്ടുണ്ടാവാം - പാദം
മുറിഞ്ഞിട്ടുണ്ടാവാം
മന്ത്രകോടികൊണ്ടതു നീ മറയ്ക്കൂ
മധുവിധുമണിയറ അലങ്കരിക്കൂ
കിളിര്‍ത്തുവല്ലോ - കിനാക്കള്‍
കിളിര്‍ത്തുവല്ലോ (ഉഷസ്സേ)

തിരകളും ചുഴികളും മുറിച്ചു കടന്നപ്പോള്‍
തളര്‍ന്നിട്ടുണ്ടാവാം ആ മെയ്
തളര്‍ന്നിട്ടുണ്ടാവാം
മന്ദഹാസംകൊണ്ടതു നീ പൊതിയൂ
മകരന്ദചഷകം നിറച്ചുവെയ്ക്കൂ
തളിര്‍ത്തുവല്ലോ - വികാരം തളിര്‍ത്തുവല്ലോ
(ഉഷസ്സേ) 
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts