Last Modified: February 29 2012 14:57:44.



മദ്ധ്യാഹ്നവേളയില്‍ മയങ്ങാന്‍ സുഖം
മയക്കത്തില്‍ സ്വപ്നങ്ങള്‍ കാണാന്‍ സുഖം
ഉണരുമ്പോള്‍ ആലസ്യമധുരം സുഖം
ഉണര്‍ന്നുകഴിഞ്ഞാല്‍ അതിന്നോര്‍മ്മസുഖം

ഓര്‍മ്മയിലായിരം ഇതള്‍വിരിയും
ഓരോ ഇതളിലും മധുകിനിയും
നിദ്രതന്നാരാമ സിരകളിലേ
നീഹാരശീകര സ്മരണസുഖം

ജീവനിലുതിരുന്ന രാഗസുഖം
പൂവുടലണിയുമ്പോള്‍ ഏറെ സുഖം
മാദക കാമനാ മലര്‍വാനമാം
ഈനവയൌവ്വനം സ്വര്‍ഗ്ഗസുഖം