വിശദവിവരങ്ങള് | |
വര്ഷം | 1975 |
സംഗീതം | എം കെ അർജ്ജുനൻ |
ഗാനരചന | ശ്രീകുമാരൻ തമ്പി |
ഗായകര് | കെ ജെ യേശുദാസ് ,കോറസ് |
രാഗം | രാഗമാലിക |
അഭിനേതാക്കള് | ലഭ്യമല്ല |
ഗാനത്തിന്റെ വരികള് | |
Last Modified: February 29 2012 15:00:18.
ആ ത്രിസന്ധ്യതൻ അനഘമുദ്രകൾ ആരോമലേ നാം മറക്കുവതെങ്ങിനെ.. ആദ്യ സമാഗമ നിമിഷ സ്പന്ദം ആത്മപ്രിയേ നാം മറക്കുവതെങ്ങിനെ... പാടല പശ്ചിമ വ്യോമഹൃദന്തം പാടി വിടർത്തിയ താരകമല്ലിക ആലിംഗനസുഖകഥ പറഞ്ഞൊഴുകും ആകാശമേഘ തരംഗാവലികൾ... ആ നക്ഷത്ര സുമത്തിൽ നിൻ മിഴി നാണത്തിന്നൊളി നിന്നു തുടിച്ചതും ആ മേഘങ്ങളുരുമ്മിയനേരം നാം ഇരു തിരകൾപോലെയുയർന്നതും അമലേ ഇനി നാം മറക്കുവതെങ്ങിനെ ആ ചിത്രങ്ങൾ മായ്ക്കുവതെങ്ങിനെ... താഴ്വരചൂടിയ ദാഹവസന്തം തേടി വണങ്ങിയ മന്ദസമീരണന് ആശാ സുന്ദരവർണ്ണരഥംപോൽ ആടിയുലഞ്ഞു പറന്ന പതംഗിക ആ ശൃംഗാരവനത്തിൽ നിൻ ചിരി ഓരോ പൂവിലും ഒളിയായ് നിന്നതും ആ ശലഭങ്ങൾ പാടിയനേരം നാം ഇരു രാഗ ശലാകകളായതും അഴകേ ഇനി നാം മറക്കുവതെങ്ങിനെ ആ വർണ്ണങ്ങൾ മായ്ക്കുവതെങ്ങിനെ... |