Last Modified: February 29 2012 15:00:19.
ഞാനുമിന്നൊരു ദുഷ്യന്തനായി
പ്രേമവല്ലരി മധുപനായി
എന്റെ ശകുന്തള കന്യകയല്ല
എന്റെ നായാട്ടു കൊടുംകാട്ടിലല്ല (ഞാനുമിന്നൊരു)

അരയിലും മാറിലും നൂഴില ചുറ്റി
അഴകിന്‍ നിറകുടമായവളാടും
അവളുടെ താളം അനുകരിച്ചാടാന്‍
അനസൂയമാരെത്ര പ്രിയംവദമാരെത്ര (ഞാനുമിന്നൊരു)

ചിരിയിലും മിഴിയിലും ലഹരിവിടര്‍ത്തി
ചരസ്സിന്‍ തിരയായ് ഓമനയൊഴുകി
അവളുടെ ദാഹാഗ്നി ജ്വാലയിലെരിയും
അനുഭൂതികളെത്ര പ്രതിഭാമലരെത്ര (ഞാനുമിന്നൊരു)