Last Modified: September 20 2013 14:24:37.


സാരസ്വതമധുവേന്തും സരസീരുഹമേ സംഗീതമേ നിന്റെ
മൃദുലദളങ്ങളില്‍ ചുംബിക്കാന്‍ മോഹം
മധുരം നുകരാന്‍ ദാഹം

അനഘാനുഭൂതിയാല്‍ അന്തരംഗങ്ങളില്‍
അമൃതം നിറയ്ക്കുന്നു നീ
ശ്രുതിയായ് ലയമായ് ഉലകിന്‍ കരളില്‍
പുളകം വിതറുന്നു നീ
സാരസ്വത മധു.........

സ്വരരാഗധാരയാല്‍ സങ്കല്പലോകങ്ങള്‍
സാക്ഷാല്‍ക്കരിക്കുന്നു നീ
അഴകിന്‍ കതിരായ് അറിവിന്‍ പൊരുളായ്
നടനം തുടരുന്നു നീ
സാരസ്വത മധു.........