Last Modified: February 29 2012 15:04:51.

ആനന്ദം ജന്മസാഫല്യം
സ്വാതന്ത്ര്യം നിത്യസായൂജ്യം
ജീവിതഗംഗയിൽ നീരാടാം
വിഷാദഭാവങ്ങൾ മറക്കാം
നമുക്കൊരു സ്വരം
ജയ് ഗുരു ജയ് ജയ ഗുരു ജയ് ജയ് ഗുരു
ഒരേ മനം
ജയ് ഗുരു ജയ് ജയ ഗുരു ജയ് ജയ് ഗുരു
(ആനന്ദം....)

ഇവിടെ സുഖരസ താളങ്ങളോടെ
ജനിമൃതിയെന്നും നില്പൂ (2)
അലിയാം ജീവന്റെ ലഹരിയിൽ ഇന്നൊരു
ഹൃദയസംഗീതലയമായ്
(ആനന്ദം..)

മുകിലിൻ മുഖപടമണിയാതെ നിൽക്കും
ദിനകര ബിംബം പോലെ (2)
പഴയ വിശ്വാസ പൊയ്‌മുഖമില്ലാതെ
പകരൂ പ്രകാശധാര
(ആനന്ദം...)