Last Modified: November 22 2016 13:29:31.

സൗഗന്ധികങ്ങളേ വിടരുവിന്‍
സമാധിയില്‍ നിന്നുണരുവിന്‍
മൗന മകരന്ദം വിളമ്പും
മധുര സ്വപ്ന ശതങ്ങളേ...
സൗഗന്ധികങ്ങളേ വിടരുവിന്‍
സമാധിയില്‍ നിന്നുണരുവിന്‍

ശിഥില രേഖകള്‍ എഴുതിയൊഴുകും
ശിശിര ചന്ദ്രിക വിളിച്ചുവോ
കുളിരില്‍ മുങ്ങിയ തെന്നലിന്‍ പുതു-
കവിത നിങ്ങളെ തഴുകിയോ
ആദ്യമുറക്കി പിന്നെയുണര്‍ത്തും
രജനി മന്ത്രവാദിനി
(സൗഗന്ധികങ്ങളേ വിടരുവിന്‍)

മൃദുല പല്ലവ ദളം നുകര്‍ന്നൊരു
കുരുവി പാടിയ പല്ലവി
എഴുതി വാങ്ങിയ ചില്ലകള്‍ സ്വരം
അറിയുവാന്‍ കൊതി പൂണ്ടുവോ
മദം വളര്‍ത്തി മറഞ്ഞു പോകും
രജനി രാഗവിലസിനി
(സൗഗന്ധികങ്ങളേ വിടരുവിന്‍ ...)