Last Modified: February 29 2012 15:05:59.

ശീതള ശരത്കാലസന്ധ്യയിൽ
മാദകമണമൂറും സന്ധ്യയിൽ
നിഴലുറങ്ങി നിലാവുറങ്ങി..
നിഴലുറങ്ങി നിലാവുറങ്ങി
മനസ്സു മാത്രം ഉറങ്ങിയില്ല..
മനസ്സു മാത്രം ഉറങ്ങിയില്ല

അകലെയകലെ നീലാംബരത്തിൻ
നാലുകെട്ടിലോ താമസം..നിന്റെ താമസം
അകലെയകലെ ഏകാന്തതയിൽ
നാലമ്പലത്തിലോ മാനസം..നിന്റെ മാനസം
അവിടിരുന്നാലും കേൾക്കാമോ..
അവിടിരുന്നാലും കേൾക്കാമോ
എന്റെ അകതാരിൻ അനുരാഗഗാനം
അകതാരിൻ അനുരാഗഗാനം

അരികിലൊഴുകും തേനരുവിക്കു്
നിന്റെ ചിലമ്പൊലിത്താളം
നിന്റെ ചിലമ്പൊലിത്താളം
അധരത്തിൽ മൂളും നാടൻശീലിനു്
നിന്റെ കളമൊഴി നാദം..
നിന്റെ കളമൊഴി നാദം
അകന്നിരുന്നാലും ഓർക്കാമോ...
അകന്നിരുന്നാലും ഓർക്കാമോ
എന്റെ അകക്കാമ്പിൻ അടങ്ങാത്ത ദാഹം
അകക്കാമ്പിൻ അടങ്ങാത്ത ദാഹം 
(..ശീതള ശരത്കാലസന്ധ്യയിൽ..)