മാളിക മേലൊരു മണ്ണാത്തിക്കിളി (കളിത്തോഴന്‍ )
This page was generated on March 29, 2024, 2:39 am UTC
വിശദവിവരങ്ങള്‍
വര്‍ഷം 1966
സംഗീതംജി ദേവരാജന്‍
ഗാനരചനപി ഭാസ്കരന്‍
ഗായകര്‍എ എം രാജ ,എസ് ജാനകി ,കോറസ്‌
രാഗംലഭ്യമല്ല
അഭിനേതാക്കള്‍പ്രേം നസീര്‍ ,ഷീല ,ജി കെ പിള്ള ,അടൂര്‍ ഭാസി
ഗാനത്തിന്റെ വരികള്‍
Last Modified: January 27 2018 15:16:52.


ഹായ്...
മാളികമേലൊരു മണ്ണാത്തിക്കിളി
മാണിക്യത്തിന്‍ മുട്ടയിട്ടു
പത്തരമാറ്റിന്‍ പൊന്നിന്‍ വടിവില്‍
മുട്ടവിരിഞ്ഞൊരു കുഞ്ഞായി
ആരാണെന്നറിയാമോ?
പേരെന്തെന്നറിയാമോ?

അറിയാമല്ലോ പറയാമല്ലോ
അഴകുള്ളൊരു കുഞ്ഞാണേ
വെള്ളിപ്പാത്തീല്‍ നീരാട്ട്
വെണ്മുകില്‍ തന്നുടെ താരാട്ട്
പട്ടില്‍ കിടക്കും അമ്പിളിതന്നുടെ
പള്ളയിലെച്ചെളി പോയില്ല


പതിനഞ്ചാം നാളിലൊരുത്തി
പാലാഴീല്‍ മുങ്ങിക്കേറും
പതിനഞ്ചു നാളുകഴിഞ്ഞാല്‍
പാഴ്ച്ചെളിയില്‍ മുങ്ങിപ്പോകും
ആരാണെന്നറിയാമോ പേരെന്തെന്നറിയാമോ?

അറിയാമല്ലോ പറയാമല്ലോ
അഴകുള്ളൊരു പെണ്ണാണേ
പതിനഞ്ചാം നാളില്പെണ്മണി
പഞ്ചമിയാം ചേലയുടുക്കും
പതിനഞ്ചു നാളുകഴിഞ്ഞാല്‍
നക്ഷത്ര മാലകള്‍ ചാര്‍ത്തും
ഉം......

ആഴം കണ്ടവരാരുമില്ല അക്കരെയെത്താനറിവില്ല
ചിലസമയം കുതിച്ചുചാടും ചിലസമയം രമിച്ചു പാടും
ചിലനേരം ശാന്തിനിലയം ചിലനേരം ഭ്രാന്തിന്‍ ബഹളം
എന്താണെന്നറിയാമോ ഏതാണെന്നറിയാമോ
സമുദ്രം... സമുദ്രം....
തെറ്റ്...
പിന്നെ?
മനുഷ്യഹൃദയം മനുഷ്യഹൃദയം........

പറന്നുപാറും പരുന്തുപോലും അവന്നുമേലെ പൊന്തില്ല
പടിവാതിലുകള്‍ അവന്റെ നേരെ അടയില്ലടയില്ലൊരുനാളും
കുടിലുകള്‍ പോലും കൊട്ടാരമാക്കും അവനാരാണറിയാമോ?
പണം... പണം...
അല്ലേയല്ല...
ഉം... ആശ...
അല്ല
തോറ്റോ? തോറ്റു!
സ്വപ്നം.... സ്വപ്നം...
ഓ..... ആ......
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts