Last Modified: February 29 2012 15:07:24.



കണ്ണുകളില്‍ കവിത കളിയാടുംപോലെ
കവിളുകളില്‍ സന്ധ്യ പൂവിടുംപോലെ
അംഗന നീ സ്വപ്‌നഹിമവാഹിനി
അകതാരിലനുരാഗ അനുഭൂതി നീ
(നിന്‍ കണ്ണുകളില്‍...)

തിരയും കരയും പുണരുമ്പോഴെന്നും
നുരയും പതയും വിരിയുമ്പോഴെന്നും
സിരയില്‍ ലഹരി നിറയ്‌ക്കുന്ന നീയെന്‍
കരളിന്റെ കാമുകിയായി
(നിന്‍ കണ്ണുകളില്‍...)

നിന്നില്‍‍ എന്നെ പകരുമ്പോഴെന്നും
പൊന്നെ നിന്നെ മുകരുമ്പോഴെന്നും
മനസ്സില്‍ അഗ്നിപടര്‍ത്തുന്ന നീയെന്‍
മാദകവിഭ്രാന്തിയായി
(നിന്‍ കണ്ണുകളില്‍...‍)