Last Modified: February 29 2012 15:08:12.

മണിനാഗത്താന്മാരേ കനിയേണമടിയങ്ങള്‍
കണിവെച്ചു പാടുന്നു നാവോറ്...
നൂറുണ്ട്, പാലുണ്ട്, ഗുരുതിയും പൂവുമുണ്ട്
നൂറ്റൊന്നു കിളിവാലന്‍വെറ്റിലയുണ്ട്...
(മണിനാഗ...)

മുളവീണക്കമ്പി മീട്ടിപ്പാടുന്ന ഞങ്ങള്‍-
ക്കിടനെഞ്ചില്‍ ചൂടു നിങ്ങള്‍ പകരേണം
പുള്ളോര്‍ക്കുടത്തിനുള്ളില്‍ തുടിയ്‌ക്കുന്ന രാഗ-
പല്ലവികള്‍ കേട്ടു നിങ്ങള്‍ ഉണരേണം

കടലേഴിന്നപ്പുറത്ത് വസിക്കുന്നോരേ
മലയേഴും കടന്നെത്തും വിരുന്നുകാരേ
സപ്‌തരാഗം പാടി ഞങ്ങളെതിരേല്‍ക്കാം
സര്‍പ്പത്താന്‍മാരെ നിങ്ങള്‍ കനിയേണം

ചിത്രത്തേരേറിവന്ന നാഗരാജാവേ
ചിത്രകൂടക്കല്ലുവച്ചു വിളക്കും വച്ചു
നക്ഷത്രത്തിരികള്‍ കത്തും സര്‍പ്പക്കാവുകള്‍ തോറും
നൂറുണ്ണാനെത്തുവോര്‍ക്കും നാവോറ്
(മണിനാഗ...)