| വിശദവിവരങ്ങള്‍ | |
| വര്‍ഷം | 1967 |
| സംഗീതം | കെ രാഘവന്‍ |
| ഗാനരചന | ചങ്ങമ്പുഴ |
| ഗായകര്‍ | കെ രാധ ,കോട്ടയം ശാന്ത |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:36:44.
മലരണിക്കാടുകള്‍ തിങ്ങിവിങ്ങി മരതക കാന്തിയില്‍ മുങ്ങിമുങ്ങി കരളും മിഴിയും കവര്‍ന്നു മിന്നി കറയറ്റൊരാലസല്‍ ഗ്രാമഭംഗി പുളകം പോല്‍ കുന്നിന്‍ പുറത്തുവീണ പുതുമൂടല്‍ മഞ്ഞല പുല്കി നീക്കി പുലരൊളി മാമല ശ്രേണികള്‍ തന്‍ പുറകിലായ് വന്നുനിന്നെത്തി നോക്കി ഇടയന്റെ പാട്ടിലലിഞ്ഞൊഴുകും തടിനിയും താമരപ്പൊയ്കകളും അരികെഴും നെല്‍പ്പാട വീഥികളും പലപല താഴ്വര ത്തോപ്പുകളും തളിരും മലരും തരുപ്പടര്‍പ്പും തണലും തണുവണിപ്പുല്‍പ്പരപ്പും കളകളം പെയ്തുപെയ്തങ്ങുമിങ്ങും ഇളകിപ്പറക്കുന്ന പക്ഷികളും എവിടെത്തിരിഞ്ഞൊന്നു നോക്കിയാലും അവിടെല്ലാം പൂത്ത മരങ്ങള്‍ മാത്രം അഴകുമാരോഗ്യവും സ്വസ്ഥതയും അവിടത്തില്‍ മൊട്ടിട്ടു നിന്നിടുന്നു |
|