| വിശദവിവരങ്ങള്‍ | |
| വര്‍ഷം | 1967 |
| സംഗീതം | എ ടി ഉമ്മര്‍ |
| ഗാനരചന | ഡോ പവിത്രന്‍ |
| ഗായകര്‍ | കെ പി ഉദയഭാനു ,എ കെ സുകുമാരന്‍ |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:36:44.
കുതിച്ചുപായും കരിമുകിലാകും കുതിപ്പുറമേറി നീലവാനില്‍ നീളെനീളെ സവാരിചെയ്യും ഞാന്‍ സവാരിചെയ്യും ഞാന്‍ - സവാരിചെയ്യും ഞാന്‍ (കുതിച്ചുപായും ) മഞ്ഞണിഞ്ഞ മാമലര്‍വാടികള്‍ പുഞ്ചിരി തൂകുമ്പോള്‍ കുഞ്ഞിക്കാറ്റിന്‍ കയ്യിലുറങ്ങും താമരവിടരുമ്പോള്‍ പൊന്നുഷസ്സിന്‍ മാറില്‍ വീണു പാട്ടുപാടും ഞാന്‍ - ഹായു് (2) (കുതിച്ചുപായും ) തരുവല്ലരികള്‍ തളിരുകള്‍ ചൂടി പീലിവിടര്‍ത്തുമ്പോള്‍ കുരുവിക്കൂടുകളരുവിക്കാറ്റില്‍ ഊഞ്ഞാലാടുമ്പോള്‍ പൊന്നുഷസ്സിന്‍ മാറില്‍ വീണു പാട്ടുപാടും ഞാന്‍ - ഹായു് (2) (കുതിച്ചുപായും ) മരതകമണികള്‍ കാലില്‍കെട്ടി പെരിയാറായൊഴുകുമ്പോള്‍ മധുമാസത്തിന്‍ മദിരനുകര്‍ന്നു മലകള്‍ മയങ്ങുമ്പോള്‍ പൊന്നുഷസ്സിന്‍ മാറില്‍ വീണു പാട്ടുപാടും ഞാന്‍ - ഹായു് (2) (കുതിച്ചുപായും ) വാര്‍മഴവില്ലുകള്‍ കനകശരങ്ങള്‍ തൊടുത്തുനീട്ടുമ്പോള്‍ കാര്‍മുകില്‍മാലകള്‍ മുറിച്ചുചെല്ലും ദിഗന്തരേഖയില്‍ ഞാന്‍ ദിഗന്തരേഖയില്‍ ഞാന്‍ - ദിഗന്തരേഖയില്‍ ഞാന്‍ (കുതിച്ചുപായും ) |
|